Baby Yohan's 28th Week Sneak Peek Preview

letter to lolo ardyey

dear 60 year old ardyey,

kung sakali lang na limot mo na ang mga nangyari 33 years ago, eto at magkukwento ako:

company provided ang air ticket natin tuwing umuuwi tayo every 6 months at january pa talaga ang rotation leave natin. pero dahil merong eid holidays dito sa qatar sa november 26 to 30, meron tayong naisip.

tutal birthday din naman natin, naisip nating samantalahin ang holidays at regaluhan ang sarili natin ng two-way ticket pauwi ng pilipinas gamit ang miles (ng iba. hehehe)sa mismong araw ng birthday natin. halos kalahati din ng original price ang natipid mo noon tsong.

surprise talaga dapat sa lahat ang isang linggong bakasyon nating ito. kaso lang, sadyang malakas makaamoy ang asawa natin kaya nabuking din agad tayo. kila mommy at daddy na lang ang surprise tuloy. hehehe.

ang ilang nasa checklist nating makain in 1 week:

1. steamed talaba
2. pork barbeque including the taba on the dulo
3. halabos/sinigang na sugpo
4. alimasag
5. baby's crispy pata sa navotas

pero ang pinakahighlight kung bakit natin gustong gusto umuwi kahit isang linggo lang, ay para makasama naman natin ang misis nating 28 weeks na buntis. sabik tayong maramdaman ang mga suntok at sipa ng dayunyor natin habang nasa tiyan pa. woohoo!

your old self,
27 year old ardyey

PS: ito ay scheduled post. dahil baka mabasa sa bahay ang blog na ito, buking na ko agad. hehehe. nandito pa ko sa qatar at mag-iimpake pa lang. sa oras na mapublish ang post na ito, kasalukuyan na siguro akong bumabanat ng steamed talaba.

engk engk

sa family feud...

richard gomez: magbigay ng bagay na hinihipan?

contestant: condom?

richard gomez: tignan natin ang sabi ng survey...

engk engk.

condom amputcha.

prediction ko...

harujosko! atat na atat na ko. kay tagal kong hinintay ang laban na 'to. mula pa noong tigbakin ni pacman si hatton noong mayo. sa dami na ng nabasa kong balita sa pacland, di ko na alam kung ano pa ang ikukwento ko. hehehe.

nanghihinayang nga ako. sakto dapat sa bakasyon ko ang laban na to. pero nausod pa ang uwi ko sa january. ang siste tuloy, replay sa gabi ko pa ito tuloy mapapanood. naghahanda ng projector ang mga pilipino dito para sama-samang mapanood ang laban.

prediction ko? for the record, pacquiao via 6th round knockout. sa bagal ni cotto eh tingin ko kayang lusutan ni pacman ang strong left niya. cotto will fall due to the accumulation of power punches fired by the bruce lee of boxing.

mabuhay ka, manny!

be iba!

oo nga pala. mali pala ang hula ng karamihan samin. hula kasi ng karamihan, girl ang magiging baby namin dahil sa matinding aura (naks) ng misis ko. pero the week before ng ultrasound lang nila nadiscover na maitim pala ang batok niya.

and so a betlog was spotted. and he is kikoman (kee-koo-man). medyo malalim-lalim ang ibig sabihin ng kikoman. spill ko na, makinig mabuti, eto na: kick daw kasi ng kick ang baby sa loob, ang there goes kikoman.



sabi nila, matalino daw ang magiging anak paglaki kapag habang nasa sinapupunan pa lang ang bata ay pinapakinig na ng classical musics.

ibahin nyo si kikoman.

dahil bukod sa classical musics, nakikinig din siya ng Dr. Love Radio Show with Jun Banaag tuwing gabi.

♫ kung ika'y binata pa, at wala pang asawa, wag ka nang mag-alala at meron pang pag-asa, god bless you mama mary loves you ♪...